الميبيندازول
البيرانتيل
vermox
طريقة الإستعمال نقوم بوضع حوالي 4 قطرات في المشربية لمدة 24 ساعة ثم نيزيله
قم بتعطيش طائر و عطيه دواءا.
هذا الدواء فعال ويمكن إعادة الوصفة للطائر بعد يومين للقضاء على البيوض المتبقية
كيف تعرف ان طائرك مصاب بالديدان ؟؟
وما هى وسائل العلاج ؟
سلام عليكم ورحمه الله وبركاته اعزائى الكرام
موضوعنا اليوم هو شكوى اصبحت كتير فى الاسابيع الاخيرة بين الهواه
وكان واجب علينا اعاده نشر الموضوع بتفاصيل اكتر مضاف له تجارب عدد من الهاوة الافاضل
مؤخرا" كتير بيشكو من ان الطائر عنده بياكل كويس جدا بس وزنه وحجمه بيقل !!
طب قبل ما نعرف الاسباب لازم نعرف معنى كلمه تسييف للطائر ..
كتير جدا ما نسمع كلمه طائر مسييف يعنى ايه؟
تسييف = طائر هزيل
تسييف = طائر ضعيف فقد وزنه
تسييف = طائر ظهرت عظام الصدر بارزه
تسييف = طائر بياكل كويس ومش باين عليه
تسييف = طائر بينام كتير وكاشش و مافيش اعراض مرض
تسييف = طائر بنفقده دون ان نحدد له مرض معين
يعنى التسسيف مرض ؟
هو مش مرض هو ظاهرة لها عدد من الاسباب بعضها بيكون مرضى ومش كلها ..
اسباب التسييف عند الطيور ..
---------------------------
1) الاسهال المستمر ،، وده بيخلى الطائر بياكل ومش بيستفيد من الاكل وبيفقد السوائل والفيتامينات والاملاح من الجسم ويصاب بالهزال تدريجيا
2) الديدان ،، ومنها عدد من الانواع ممكن تصيب معده الطائر منها الخطافيه والدوسنتريا وغيرها وطبعا دى بتعيش على الغذاء المقدم للطيور وتتسبب له نقص الوزن والهزال
3) عامل نفسي وملل ،، تخيل ان الطائر اللى النظام الغذائى بتاعه ثابت
ومش بيتغير او اللى معتمد على الحبوب بييجى عليه وقت يعمل تمرد ويقلل حجم الوجبه لاصابته بالملل
مما يسبب نقص الوزن والهزال العام
4) تفريخ بدون راحه ،، التفريخ الكتير بدون فترة راحه بيخلى الزوج مرهق دائما " خصوصا" لو الهاوى غير مهتم بتقدينم الخضروات والاكل اللين لهماثناء فترة حضانه الفروخ
يعنى ننتهى ان العلاج هو ملاحظه متستمرة لفضلات الطائر ولو فيه اسهال وجب تقديم العلاج المناسب للاسهال سواء اسهال نتيجه برد او اسهال معوى
علاوة على تنوع الاكل والاهتمام بتقديم البيض والغله والخضروات مع مراعاة الغسيل الجديد لها
واخيرا لو الزوج فى معدته ديدان بيقدم له مضاد للديدان وده موضوعنا اليوم ،،
طيب كيف اعرف ان طيورى مصابه بالديدان ؟؟
ا) الطائر بياكل كويس جدا بس الوزن بقل وبعد فترة بيصاب بالنحافه او التسييف
2) فضلاته طبيعيه بس بالملاحظه تجد انها ملتصقه احيانا بمؤخرة الطائر وجافه
3) نشاط الطائر قليل نتيجه ان فى ديدان عايشه على الغذاء اللى بيتناوله الطائر
4) طائر وحيد مصاب وسط مجموعه سليمه نتيجه وجود ديدان فى معدته لان الديدان غير معديه
الا فى حاله ان الطائر قام بتناول فضلات الطائر المصاب
5) حاولت معاه بعدد من العلاجات التنفسيه والمعويه ومفيش نتيجه ولا استجابه
ودى غلطه بيقع فيها كتير من الهواه انه بيلجأ للمضاد الحيوى اول الحلول
6) غالبا بتكون الاصابه بعد فترة من 7-10 ايام من تقديم الخضروات الغير مغسوله والتى يتم نقعها ايضا فى قليل من الماء مضاف له خل التفاح لتفادى الاصابه بالديدان زى البرسيم والجرجير وغيرها والتى يفضل كتير من الهواه تقديمها لطيورهم ..
تمام بعد ما تعرفنا على الاسلوب الصحيح للتشخيص ايه العلاج والجرعه ؟
موضوعنا اليوم فيه نوعين من مضادات الديدان البيطريه المجربه الفعاله ..
الاول اسمه ( كيورافلوك )
----------------------
ممتاز ومعظم مزارع الدواجن والماشيه بتستخدمه لعلاج
-الإصابة بالديدان الكبدية( الفاشيولا)
- الإصابة بديدان القناة الهضمية و ديدان الرئة.
-علاج الإصابة بديدان الأنف في الأغنام والدواجن
بيستخدم عن طريق الفم يعنى بنحط الجرعه فى ماء الشرب
الجرعه المقررة للدواجن 1مل/ 7 كجم من وزن الجسم و تخفف الجرعة بإضافة 50 مل ماء
بالنسبه لطيور الزينه نحط نقطتين فقط على مسقاه الشرب العاديه
لمده يومين متتاليين ونكرر الجرعه تانى بعد مرور 10 ايام
لم يكتشف اعراض جانبيه له الا فى بعض الحالات اسهال بسيط بينتهى بانتهاء مده العلاج
الثانى اسمه (زيتا زول فورت3% )
----------------------------------
لا يختلف كثيرا عن استخدامات الاول الا انه يزيد عنه انه مضاد لبعض انواع الديدان التى لا يعالجها الاول
وبرضه الجرعه زى الكيورافلوك
بالنسبه لطيور الزينه نحط نقطتين فقط على مسقاه الشرب العاديه
لمده يومين متتاليين ونكرر الجرعه تانى بعد مرور 10 ايام
طيب فى كتير مننا مش متاح له استخدام العلاج البيطرى لتعذر اماكن البيع وصعوبه الحصول عليه
فيه نوعين من مضادات الديدان البيطرية بفضل الله استخدمت النوعين وان كنت افضل الاول
الاول اسمه (الزنتال )
---------------------
والجرعه 2سم على نص مسقاه لمده يومين متتاليين ..
وتكرر بعد اسبوع لان من الممكن ان الطائر يحمل بويضات للديدان فى معده وتم الفقس واصبحت يرقات صغير وجب التخلص منها قبل ان تتكاثر مرة اخرى
ولو لم يمكنك الحصول على الزنتال محلول معلق
ممكن تستخدم الاقراص منه تركيز 200مجم
ضيف محتوى نصف قرص على مسقاه لمده يومين متتاليين
وتكرر الجرعه بعد اسبوع وعرفنا السبب ليه بالاعلى ..
الثانى اسمه ( بنداكس)
--------------------
البنداكس شرب تضيف نصف سم على مسقاه صغيرة ماء نظيف لمده يومين متتالين
ولو تعذر الحصول على المحلول منه
ممكن استخدام الاقراص تركيز 200مجم باستخدام نصف قرص نقوم بطحنه وخلطه بماء المسقه الصغيرة لمده يومين متتالين ..
واخيرا تقبلوا تحياتى الخاصه وتحيات ادارة الجروب جميعا" وقفنا الله واياكم لما يحب ويرضى
ولا تنسونا من دعائكم بالخير
والسلام عليكم ورحمه الله وبركاته.
تعليقات
إرسال تعليق